ಕೋಲಾರ ಜಿಲ್ಲಾ ಒಕ್ಕಲಿಗರ ಪರ ಸಂಘ-ಸಂಸ್ಥೆಗಳ ಒಕ್ಕೂಟ: ಭವಿಷ್ಯದ ಪ್ರಗತಿಗೆ ಮುನ್ನುಡಿ – ಉದ್ಘಾಟನಾ ಸಭೆಯ ವರದಿ
ಕೋಲಾರ ಜಿಲ್ಲೆಯ ಒಕ್ಕಲಿಗ ಸಮುದಾಯದ ಏಕತೆ ಮತ್ತು ಪ್ರಗತಿಗಾಗಿ "ಕೋಲಾರ ಜಿಲ್ಲಾ ಒಕ್ಕಲಿಗರ ಪರ ಸಂಘ-ಸಂಸ್ಥೆಗಳ ಒಕ್ಕೂಟ"ದ ಉದ್ಘಾಟನಾ ಸಭೆಯು ದಿನಾಂಕ 2, ಶನಿವಾರ, 2025 ರಂದು ಯಶಸ್ವಿಯಾಗಿ ನಡೆಯಿತು. ಕೋಲಾರದ ಮಾರುತಿ ಮಂದಿರದಲ್ಲಿ ಪೂಜೆ ಸಲ್ಲಿಸಿ, ದಿವ್ಯ ಆಶೀರ್ವಾದದೊಂದಿಗೆ ಆರಂಭವಾದ ಈ ಸಭೆಯಲ್ಲಿ, ಜಿಲ್ಲೆಯ ಎಲ್ಲಾ ಆರು ತಾಲ್ಲೂಕುಗಳ ಒಕ್ಕಲಿಗ ಸಮುದಾಯವನ್ನು ಸಂಘಟಿಸಿ, ಒಟ್ಟಾಗಿ ಕೆಲಸ ಮಾಡುವ ಬಗ್ಗೆ ಮಹತ್ವದ ತೀರ್ಮಾನ ಕೈಗೊಳ್ಳಲಾಯಿತು. ಒಕ್ಕೂಟದ ಮೊದಲ ಹೆಜ್ಜೆಯಾಗಿ ಜಿಲ್ಲಾ ಪ್ರವಾಸ ಕೈಗೊಳ್ಳಲು ನಿರ್ಧರಿಸಲಾಗಿದ್ದು, ಈ ಪ್ರವಾಸವು ಮುಳಬಾಗಿಲು ತಾಲ್ಲೂಕಿನಿಂದ ಪ್ರಾರಂಭವಾಗಲಿದೆ. ಕಾನೂನಾತ್ಮಕ ಅರಿವು ಮತ್ತು ಕುಲಬಾಂಧವ್ಯದ ದೃಷ್ಟಿಕೋನದಲ್ಲಿ ಸಮಗ್ರವಾಗಿ ಕಾರ್ಯನಿರ್ವಹಿಸಲು ನಿರ್ಧರಿಸಲಾಗಿದೆ. ಈ ಸಭೆಗೆ ವಿವಿಧ ಸಂಘಟನೆಗಳ ಪ್ರಮುಖರು ಮತ್ತು ಹಿತೈಷಿಗಳು ಹಾಜರಾಗಿ, ತಮ್ಮ ಅಮೂಲ್ಯ ಸಲಹೆಗಳನ್ನು ನೀಡಿದರು. ಒಕ್ಕೂಟದ ಮುಂದಿನ ಕಾರ್ಯಯೋಜನೆಗಳು ಮತ್ತು ಜಿಲ್ಲಾ ಪ್ರವಾಸದ ಸಂಪೂರ್ಣ ಮಾಹಿತಿಯನ್ನು ಶೀಘ್ರದಲ್ಲೇ ಮಾಧ್ಯಮದ ಮೂಲಕ ಪ್ರಕಟಿಸಲಾಗುವುದು. ಸಮುದಾಯದ ಒಗ್ಗಟ್ಟು ಮತ್ತು ಏಳಿಗೆಗಾಗಿ ಒಟ್ಟಾಗಿ ಹೆಜ್ಜೆ ಹಾಕಲು ಈ ಒಕ್ಕೂಟವು ಒಂದು ಪ್ರಮುಖ ಹೆಜ್ಜೆಯಾಗಿದೆ.
FEDERATION ACTIVITIES
Team KDVCFA
8/3/20251 min read
ಕೋಲಾರ ಜಿಲ್ಲಾ ಒಕ್ಕಲಿಗರ ಪರ ಸಂಘ-ಸಂಸ್ಥೆಗಳ ಒಕ್ಕೂಟ: ಭವಿಷ್ಯದ ಪ್ರಗತಿಗೆ ಮುನ್ನುಡಿ – ಉದ್ಘಾಟನಾ ಸಭೆಯ ವರದಿ
ದಿನಾಂಕ 2, ಶನಿವಾರ, 2025 ರಂದು, ಕೋಲಾರ ಜಿಲ್ಲಾ ಒಕ್ಕಲಿಗ ಸಮುದಾಯದ ಇತಿಹಾಸದಲ್ಲಿ ಒಂದು ಹೊಸ ಅಧ್ಯಾಯಕ್ಕೆ ನಾಂದಿ ಹಾಡಲಾಯಿತು.
ಸಮುದಾಯದ ಏಕತೆ ಮತ್ತು ಪ್ರಗತಿಗಾಗಿ, ಜಿಲ್ಲೆಯ ವಿವಿಧ ತಾಲ್ಲೂಕುಗಳ ಸಂಘಟಿತ ಸಂಸ್ಥೆಗಳು ಹಾಗೂ ಅಸಂಘಟಿತ ಸಮುದಾಯದ ಹಿತೈಷಿಗಳ ಅಮೂಲ್ಯ ಸಲಹೆ, ಸೂಚನೆಗಳು, ಸುದೀರ್ಘ ವಿಶ್ಲೇಷಣೆ ಮತ್ತು ಆಳವಾದ ಅಧ್ಯಯನದ ಫಲವಾಗಿ, "ಕೋಲಾರ ಜಿಲ್ಲಾ ಒಕ್ಕಲಿಗರ ಪರ ಸಂಘ-ಸಂಸ್ಥೆಗಳ ಒಕ್ಕೂಟ"ವನ್ನು ಅಧಿಕೃತವಾಗಿ ಅನುಷ್ಠಾನಗೊಳಿಸಲಾಯಿತು.
ಈ ಮಹತ್ವದ ಸಭೆಯು ಕೋಲಾರದ ಧಾರ್ಮಿಕ ಕೇಂದ್ರಬಿಂದುವಾದ ಟಮಕಾದ ಶ್ರೀ ಮಾರುತಿ ಮಂದಿರದಲ್ಲಿ ಪೂಜೆ ಸಲ್ಲಿಸಿ, ಅಶ್ವತ್ಥ ಮರದ ಕೆಳಗೆ ನೆಲೆಸಿರುವ ಗಣೇಶ-ಸುಬ್ರಹ್ಮಣ್ಯರ ದಿವ್ಯ ಆಶೀರ್ವಾದದೊಂದಿಗೆ ನೆರವೇರಿತು. ಒಕ್ಕೂಟದ ಚಟುವಟಿಕೆಗಳು ಸುಸೂತ್ರವಾಗಿ, ಸಂಘಟಿತ ರೀತಿಯಲ್ಲಿ ಸಾಗಲೆಂದು ಪ್ರಾರ್ಥಿಸಲಾಯಿತು.
ಒಕ್ಕೂಟದ ಮೊದಲ ಹೆಜ್ಜೆ: ಜಿಲ್ಲಾ ಪ್ರವಾಸದ ನಿರ್ಧಾರ!
ಈ ಶುಭ ಸಂದರ್ಭದಲ್ಲಿ, ಒಕ್ಕೂಟದ ಮೊದಲ ಮತ್ತು ಅತ್ಯಂತ ಮಹತ್ವದ ಚಟುವಟಿಕೆಯಾಗಿ ಜಿಲ್ಲೆಯಾದ್ಯಂತ ಪ್ರವಾಸ ಕೈಗೊಳ್ಳಲು ಸರ್ವಾನುಮತದಿಂದ ತೀರ್ಮಾನಿಸಲಾಯಿತು. ಈ ಪ್ರವಾಸವನ್ನು ಜಿಲ್ಲೆಯ ದೇವಮೂಲೆ ಎಂದೇ ಖ್ಯಾತಿ ಪಡೆದಿರುವ ಮುಳಬಾಗಿಲು ತಾಲ್ಲೂಕಿನಿಂದಲೇ ಪ್ರಾರಂಭಿಸಲು ನಿರ್ಧರಿಸಲಾಯಿತು.
ಈ ನಿರ್ಧಾರಗಳ ಮುಂದುವರಿದ ಪ್ರಣಾಳಿಕೆ ಹಾಗೂ ಸಮಗ್ರ ಮಾಹಿತಿಯನ್ನು ಮುಂಬರುವ ನಾಲ್ಕೈದು ದಿನಗಳಲ್ಲಿ ಮಾಧ್ಯಮದ ಮೂಲಕ ಜಿಲ್ಲೆಯ ಸಮಸ್ತ ಕುಲಬಾಂಧವರಿಗೆ ತಿಳಿಸಲಾಗುವುದು.
ಕಾನೂನಾತ್ಮಕ ಅರಿವು ಮತ್ತು ದೃಢ ಸಂಕಲ್ಪ:
ಸಂಘಟನೆಯ ಅನುಷ್ಠಾನದ ಸಂದರ್ಭದಲ್ಲಿ, ಕಾನೂನಾತ್ಮಕ ಅರಿವನ್ನು ಸಂಪೂರ್ಣವಾಗಿ ಅರಿತು, ಜಿಲ್ಲೆಯ ಸಮಗ್ರತೆಯನ್ನು ಕುಲಬಾಂಧವ್ಯದ ದೃಷ್ಟಿಕೋನದಿಂದ ಸ್ಪಷ್ಟ ಕಲ್ಪನೆ ಮತ್ತು ಪರಿಪಕ್ವ ದೃಢ ನಿರ್ಧಾರದೊಂದಿಗೆ ಕಾರ್ಯಗತಗೊಳಿಸಲು ತೀರ್ಮಾನಿಸಲಾಯಿತು. ಇದಕ್ಕೆ ಸಂಬಂಧಿಸಿದ ಕಾರ್ಯತಂತ್ರಗಳನ್ನು ಮುಂಬರುವ ಮುಳಬಾಗಿಲು ತಾಲ್ಲೂಕಿನಲ್ಲಿ ಪ್ರಾರಂಭಗೊಳ್ಳುವ ಸಭೆಯಲ್ಲಿ ವಿಸ್ತಾರವಾಗಿ ಚರ್ಚಿಸಲಾಗುವುದು ಎಂದು ನಿರ್ಣಯಿಸಲಾಯಿತು.
ಸಭೆಯಲ್ಲಿ ಉಪಸ್ಥಿತರಿದ್ದ ಗಣ್ಯರು:
ಈ ಐತಿಹಾಸಿಕ ಸಭೆಗೆ ವಿವಿಧ ಸಂಘಟನೆಗಳ ಪ್ರಮುಖರು ಮತ್ತು ಹಿತೈಷಿಗಳು ಉಪಸ್ಥಿತರಿದ್ದರು.
ಮುಳಬಾಗಿಲು ತಾಲ್ಲೂಕು ಒಕ್ಕಲಿಗರ ಸಂಘದಿಂದ: ಶ್ರೀ ರೋಹನ್ ಗೌಡರವರು ಮತ್ತು ಶ್ರೀ ನಾಗೇಶ್ ಮಿಟ್ಟೂರ್ ರವರು.
ಕೋಲಾರ ಜಿಲ್ಲಾ ಒಕ್ಕಲಿಗರ ಮಹಾ ಒಕ್ಕೂಟದಿಂದ: ಶ್ರೀ ಲಕ್ಷ್ಮಿಕಾಂತ್ ಗೌಡರವರು, ಶ್ರೀ ಪಾಲಾಕ್ಷಗೌಡರವರು, ಶ್ರೀ ವರುಣ್ ಗೌಡರವರು, ಮತ್ತು ಶ್ರೀ ಅಶೋಕ್ ಗೌಡರವರು.
ಕೋಲಾರ ಜಿಲ್ಲಾ ಕೆಂಪೇಗೌಡರ ಯುವ ಸಮಿತಿ (ಜಿಲ್ಲಾ ಯುವ ವೇದಿಕೆ)ಯಿಂದ: ಶ್ರೀ ಶಶಿಕಿರಣ್ ಗೌಡರವರು, ಶ್ರೀ ಮಂಜುನಾಥ ಗೌಡರವರು, ಶ್ರೀ ನರೇಂದ್ರ ಗೌಡರವರು, ಮತ್ತು ಶ್ರೀ ರಮೇಶ್ ಗೌಡರವರು.
ಇದಲ್ಲದೆ, ಎಲ್ಲಾ ತಾಲ್ಲೂಕುಗಳ ಕುಲಬಾಂಧವ್ಯದ ಹಿತೈಷಿಗಳು ಮೊಬೈಲ್ ಮೂಲಕ ತಮ್ಮ ಅಮೂಲ್ಯ ವಿಮರ್ಶೆಗಳನ್ನು ನೀಡಿ ಸಭೆಯನ್ನು ಯಶಸ್ವಿಗೊಳಿಸಿದರು.